حوار افتراضي بين نجيب بنهيمة ومول البيكالة

سوس بلوس
2012-07-28T04:19:06+00:00
2012-07-28T04:19:49+00:00
الرئيسيةحوارات
28 يوليو 2012
حوار افتراضي بين نجيب بنهيمة ومول البيكالة

مول البيكالة: سي نجيب بنهيمة مرحبا بيك في تيزنيت وسمحي لي بزاااف على الديرانجمو، مبروك التعيين ديالك الجديد رئيس المنطقة الإقليمية بتزنيت.

بنهيمة : ما نسمح ليك أولد الحرام لا دنيا ولا آخرة، يا الله يا عفا علي السي إبراهيم ارميل المدير العام للأمن الوطني وعينني رئيسا للمنطقة الأمنية، وأنت تخرج لي من الجنب، وكلت عليك الله ياخذ فيك الحق.

مول البيكالة: راك شحال هذا وأنت واقف ميزابي بعد التحقيقات ديال البناء العشوائي، داكشي علاش درت هاذ الزبلا باش نتريني بيك أنت ولوليدات ديالك فهاد الشهر المبروك، أمالك أصاحبي مرمضن، هاذ لخديمة ديال رمضان سرح فيها لعيا.

بنهيمة: شوف والله ونشدك حتى نخلي ليك دار بوك

مول البيكالة: حرام عليك، واش غير خلاو ليك أنت الدار في أورير بأكادير، جاي لتزنيت باش تخلي لي دار الواليد، ما تديرهاش أسي نجيب، راه بابا باني في الملك ديالو، وب” لبلان”.

نجيب بنهيمةّ: آش دارو ليك هاذوك لبنات لي ضربتي من اللور

مول البيكالة: أعود بالله من الشيطان الرجيم

بينهيمة: ما ضربتيهومش آ الرهط  في المؤخرة

مول البيكالة: لهلا يطيح علينا باطل، هادشي لي كاتقول راه ديريكت للجنايات، الله يهديك أسي بنهيمة

نجيب بنهيمة: شكون لي ضرب دوك تسعود د لبنات؟

مول البيكالة: ها ها ها ها، آه عاد فهمت تاتقصد دوك الضريبات ديال الموس على مستوى السروال، أنا ما عندي موشكيل معا هادوك لبنيات،  الله يعمرها دار، المشكل عندي معا الدجين، هو لي ضسر شحال من وحدة، غلا علينا السوق، الحملة ديالي خايضها معا الدجين ماشي معا لي لابساه، ويلا توشيت اللحم ديال شي وحدة تسمح لي، هاذاك غير سوء تفاهم وقع فيه الموس.

بنهيمة: مالك مع الدجين

مول البيكالة: من نهار لبسوه لبنات ولاو نافخين، مناخرهوم للسما، عقدوني، وفكرت نوض نوضة وحدة ضد الدجين، ماكرهتش نشد داك لي صنع ثوب الدجين وداك لي فصلو سراويل.

بنهيمة: غادي تمشي معايا للكوميسارية باش ندونو هادشي لي ذكرتي. عاود قولو مكرة أخرى في محضر قانوني.

مول البيكالة: نهاك الله أبا نجيب ، أنا مازال ما ساليت ونهار نكمل نجي عندكوم برجلي

بنهيمة: الله يهديك أولدي، عافاك أسي مول البيكالة، راه مستقبلي بين يديك، شوف بعينيك وحن بقلبك يالله بديت من بعد ديك الغضبة، كتعرف رمضان هذا، ما بقات راحة ما بقا  نعاس، قلبنا عليك في كل مكان، الله يهديك. بقيتي سايك بلا فران حتى درتي هذيك الكوارث.

مول البيكالة: أنا خاصني طبيب نفساني يستمع لي ما شي بوليسي يستنطقني إيلا بغيتينيي تلقاني في الدورة …..سر سر سر سر..

بنهيمة: شد شد شد مول البيكالة…. مول البيكالة

سوس بلوس

عذراً التعليقات مغلقة