متطوع (ة) وباغي نعاون مستشفى الحسن الثاني، أݣادير ، عنوان لهاشتاغ تم اطلاق بمدينة أكادير من طرف مجموعة من المتطوعين .
وجاء في تدوينة على موقع التواصل الاجتماعي “اليوم درنا الإجراءات الإدارية واتفقنا مع السلطات نديرو لائحة ديال المتطوعين باش تكون الأمور منظمة . و من بعد ما رجعنا من الولاية اللي لقينا من عندها كل الترحيب والتشجيع، اعقدنا اجتماع باش نحددو المهام ونتقسمو على شاكلة 3 لجان : لجنة طبية ، لجنة التموين اللي غادي تستقبل المساعدات : عبارة عن أدوية ، مال ، أكل ، خدمات ..ولجنة التوجيه والإرشاد اللي غادي تنسق مع الاولى باش اكون العمل فعال وتوزع المساعدات اللي تايستاحقها .إظافة لخدمات التحسيس والمواكبة والمرافقة .
المهم الجميع عاقد العزم على العطاء حسب الإستطاعة. كما أن عوامل عدة ساعدتنا على المضي قدما فالنقاش بحكم النظرة الإيجابية للأمور اللي تانتشاركوها وخبرة البعض بأمور المستشفى والحاجيات المستعجلة كما أننا خبرنا والحمد لله المجال التطوعي .
الشيئ اللي تاينقصنا هو عدم تواجد مختصين في ميدان الطب وكان الهم ديالنا هو هذا، حيث المستشفى محتاج مساعدة طبية ميدانية .
وبما أن نيتنا حسنة والحمد لله، جاتنا مكالمة في الإجتماع من عند رئيس جمعية تضم مايقارب 70 ممرض .
وأبدى رغبته فالمساعدة والتعاون .
وقال باللي كان تايقلب مع من يتعاون .
ماتصوروش ݣداش كانت فرحتنا ! فرحنا بزاف الله يجازيه بخير 🤲
خصوصا وأننا لم نتلقى أي عرض بهاد الخصوص .
باش مانطول عليكم غذا سنلتقي برئيس الجمعية اللي غادي نظمو معه الأمور .
-الإخوة دابا احنا محتاجين شباب متطوع باش ادخل فاللجنة المناسبة له .
– نحتاج دكاترة متطوعين ، متقاعدين ..
– نحتاج لمن يساعد في مد يد العون للمرضى والتكلف بكبار السن.
– نحتاج لتعاون الصيدليات والبرافارماسي بالأدوية .
– نحتاج لتعاون المختبرات في أݣادير .
– نحتاج لشركات الأكسجين ….
نحتاج لدعاوتكم ودعمكم المستمر .
0677059563 . واتساب .
