الرئيسية سوس بلوس TV تجار إنزكان والقليعة المضربون يشلون الحركة التجارية

تجار إنزكان والقليعة المضربون يشلون الحركة التجارية

كتبه كتب في 15 يناير 2019 - 14:14

 

شل إضراب التجار بإنزكان عاصمة التجارة بسوس الحركة التجارية بالإقليم، كما بالمدينة، حيث أغلقت ابواب المتاجر بسوق الثلاثاء اليوم، كما بمختلف الأسواق الأخرى الخاصة بالملابس والخضر والاجهزة الالكترونية..

ويأتي الغضراب تلبية لنداء التنسيقة التي تشمل مختلف النقابات والجمعيات المهنية”تنسيقية جمعيات و نقابات التجار و المهنيين بعمالات إنزكان أيت ملول و أكادير إداوتنان واشتوكة أيت بها و تارودانت”.

و إسوة بباقي التجار و المهنيين الذين اتخذوا يومي الثلاثاء و الأربعاء 15 و 16 يناير الجاري محطة لخوض إضراب إنذاري ضد الأحداث المتوالية و الأخبار المتواترة بعد اعتماد القانون المالي الجديد 2019، وما جاء به من مواد و فصول جديدة، على رأسها إدخال المادة 145 م الفصل 29 المضاف إلى المدونة العامة للضرائب، والتي تضرب في التجار و المهنيين، و من شأنها فتح أبواب ابتزازهم و التعسف عليهم دون حسيب و لا رقيب (حسب نص بيان )، فقد انخرط تجار و مهنيي جماعة القليعة في هذا الإضراب من خلال إغلاق محلاتهم التجارية و شل الحركة، و كل هذا من أجل الوقوف صفا لصف بجانب إخوانهم لردع قرارات الحكومة الأنفرادية و المجحفة والإقصائية، وكذا دفاعا عن القدرة الشرائية للمواطن الذي تأثر سلبا و توالت عليه نكبات الإصلاحات الأفقية و أصبح مثقلا بمجموعة من القوانين و الإصلاحات الضريبية بدون إشراكه في صناعة القرار

مشاركة
تعليقات الزوار ( 1120 )
  1. عطيني 3 دقائق من وقتك باش تستافد وخا غير شويا…باش ماتجيش شوف تيفي تسولك أشنو السبب تبقى حال فمك !!!

    اليوم هو عيد الأضحى كل من إنزكان ومدينة أكادير بان ليا كولشي ساد هههه….ماعليناش السبب هو كاليك الضرائب….أجيو نهضرو شويا علا هاد الموضوع…

    بلا فلسفة المبدأ ديال الضريبة باين ! الدولة كاتاخد ضرائب من عند المواطنين باش توفر ليهم خدمات عمومية بالمقابل يستافدو منها ( الصاليرات و التجهيزات ديال العسكر و البوليس و الناس لي كايسهرو على حماية البلاد ، الطرقان، الجسور، الجرادي ، المستشفيات، المدارس و الجامعات…) و شلا حوايج لي مفروض على الدولة توفرهم ليك لاكانت كادي ليك جزء من المدخول ديالك لي ضربتي فيه نتا تامارا و حوفرتي عليه.

    هادشي علاش كاينة واحد العلاقة وطيدة بين تخلاص الضريبة و الثقة لي عندك فالدولة ! بحيث فاش كاتكون عندك ثقة فالدولة لي نتا فيها و خصوصا فالخدمات لي كاتوفر ليك راه كاتخلص الضريبة و كاتأدي الواجب و العكس لاكنتي ماكاتيقش فالدولة و الخدمات ديالها راه من الطبيعي انه ماتحملش دينمها ديك الضريبة و فاش تخلصها تجيب فحالا خرجتيها من لحمك.

    ولكن المشكل ديال الضريبة لي تطرح مؤخرا مورا ماناضو البياعة و الشرايا ديال درب عمر ونفس الشيئ اليوم ف انزكان واكادير دارو شي وقفات احتجاجية و سدو الحوانت كايخلينا نطرحو جوج ديال الاسئلة مهمة !

    اولا: واش بعدا المواطن المغربي كايستافد من الضرائب لي كايخلص ؟ و هنا كاندوي على الطبقة الكادحة لي كاتخلص الضريبة بزز منها و من الصالير ديالها ! طبقة الموظفين و الأجراء فالقطاع العام و الخاص و لي الهراوا ديال الضريبة كايتخبطو بيها كل شهر ؟ طبعا كايخلصوها و لكن ماكايستافدوش منها !
    و لكن حيت الضريبة ماشي حاجة اختيارية و حيت كانخلصها و رجلي فوق رقبتي ( كيما كايقولو المصريين) غانطرح السؤال الثاني ! واش من الحق انه مواطن يخلص الضريبة و مواطن آخر لا ؟ طبعا ماشي حق وماشي عدل هادشي علاش جاتني الخرجات ديال بزاف من تجار درب عمر ماعندها حتى معنى و ماكادافعش على حقوق صحاب الجملة بقدر ما انها كادافع على حقهم في عدم دفع الضرائب ! و لي هوا فالاصل ماحق ما والو

    القضية و مافيها انه الدولة فرضات عليهم الفاتورة ! يعني أي حاجة شريتيها خاصك تشريها بفاكتورة و اي حاجا بعتيها خاصك تبيعها بفاكتورة باش الدولة تعرفك شحال دخلتي و شحال خرجتي و على حساب الربح ديالك من هاد العملية تحسب عليك الضريبة لي غادي تخلص…راه الا كادير داكشي قانوني وبالفاكتورات راه هادشي من صالحك…تدير الحساب تلقى راسك كاتخلص تقريبا 200 درهم فالشهر هادشي الا عندك الفاكتورات دياولك…متلا خرجات ليك 3 مليون ديال الضريبة…كاتجمع لي فاكتور ديالك كادفع ليهم وهما كايديرو الحساب ديك الساعة اقدر تلقى غير 7000درهم…

    قانون واضح و صريح و بسيط ! علاش نتا كتاجر جملة كادخل الزبابل ديال الفلوس ضد هاد الاجراءات ؟

    واش بغيتي يبقا الفلو و التعتيم باش تبقا تبيع و تشري فالنوار ؟ واش بغيتي ديكلاري لي بغيتي ؟ واش الخدام مسكين ضرب عندك 5 سنوات وماعندو حتى ورقة…ماباغيش تخلص الضرائب ؟ باغي غا دخل الفلوس و ماتخرج منهم والو ؟

    راه يا نخلصو كاملين يا مانخلصوش كاملين حيت لا بقا الموظف بوحدو لي كايخلص الضرائب و واحد آخر كايدخل عشرة د المرات الصالير د الموظف كايخلص غا لي بغا و لاماكايخلصش گاع هادشي كايعني انه الدولة كاتشجع على الفوضى و القطاع الغير مهيكل و كاتحارب دوك الناس لي اليوم بالضرائب ديالهم باش عايشة و محافظة على شوية د السلم الاجتماعي.

    ماشي معقول موظف تمشي ليه ثمنياوثلاتين فلميا من الصالير ديالو لي ضرب عليه تامارا و يهبطو عليه بالاقتطاعات و تاجر كبير و عندو مدخول مبرع ماتقدرش الدولة تحاسب معاه و تاخد منو تاهوا الضريبة.

    المعركة الحقيقية ماشي هي ” كيفاش نسلت من الضريبة و مانخلصهاش و نقولب الدولة … المعركة الحقيقية هي تخلص الضريبة كأي مواطن صالح و تعرفها فين مشات من بعد و تفرض على الدولة تفيدك منها…دير القانون ديالك ماتخاف والو…

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.